સૌનું કરો કલ્યાણ, દયાળુ પ્રભુ,સૌનું કરો કલ્યાણ.
નર-નારી, પશુ-પક્ષી(૨)જીવ જંતુનું તમામ,
દયાળુ પ્રભુ,સૌનું કરો કલ્યાણ.
જગનાં વાસી સૌ સુખ ભોગવે(૨)આનંદે રહી આઠોં જામ;
દયાળુ પ્રભુ,સૌનું કરો કલ્યાણ.
દુનિયામાં દુકાળ પડે નહીં(૨)લડે નહીં કોઈ ગામ,
સર્વ જગે સુખાકારી વધે ને(૨)વળી વધે ધન ધાન્ય,
દયાળુ પ્રભુ,સૌનું કરો કલ્યાણ.
કોઈ કોઈનું બૂરું ન ઈચ્છે(૨)સૌનું ઈચ્છે સૌ સમાન,
દયાળુ પ્રભુ,સૌનું કરો કલ્યાણ.
પોતે પોતાના ધર્મ પ્રમાણે (૨)સૌ ભજે ભગવાન્,
દયાળુ પ્રભુ,સૌનું કરો કલ્યાણ.
