રમકડું માટીનું..

કેવું સરસ બનાવ્યું ભગવાન, રમકડું માટીનું

કેવું સુંદર મગજ બનાવ્યું,

 મગજની અંદર વિચારો મૂકાવ્યા,

એક દિન જાવું હરિનાં ધામ…રમકડું માટીનું.

કેવું સરસ બનાવ્યું ભગવાન, રમકડું માટીનું

કેવી સુંદર આંખો બનાવી,

આંખની અંદર કીકી મૂકાવી,

દર્શન કરોને દિન-રાત…રમકડું માટીનું…

કેવું સરસ બનાવ્યું ભગવાન, રમકડું માટીનું

કેવા સુંદર કાન બનાવ્યા

કાનાની અંદર પડદા મૂકાવ્યા,

કથા  સાંભળો  દિન-રાત….રમકડું માટીનું..

કેવું સરસ બનાવ્યું ભગવાન, રમકડું માટીનું

કેવું સુંદર મુખ બનાવ્યું,

મુખની અંદર જીભ મૂકાવી,

ભજન કરોને દિન-રાત…રમકડું માટીનું…

કેવું સરસ બનાવ્યું ભગવાન, રમકડું માટીનું

કેવા સુંદર હાથ બનાવ્યા,

હાથની અંદર આંગળીઓ મૂકાવી,

માળા કરોને દિન-રાત, રમકડું માટીનું..

કેવું સરસ બનાવ્યું ભગવાન, રમકડું માટીનું

કેવા સુંદર પગ બનાવ્યા,

પગની ઉપર પંજા બનાવ્યા,

મંદિર જાઓને સવાર-સાંજ…રમકડું માટીનું.

કેવું સરસ બનાવ્યું ભગવાન, રમકડું માટીનું

કેવું સુંદર હ્રદય બનાવ્યું,

હ્રદયની અંદર લોહી ભરાવ્યું,

લોહી ફરે શરીરમા ચોમેર…રમકડું માટીનું.

કેવું સરસ બનાવ્યું ભગવાન, રમકડું માટીનું